قصيدة((عيدية صبح))للرسول الاكرم محمد(ص) واثق العيساوي

((عيدية صبح))




لاتامن ظهرك بشحة امـــــــــــان وخلي عين اللي تحـذرك من وراك




من يجيك الخنجر بوجهك شريف بس نذل جـف اليطـــعنك من كـفاك



دروس علمنة الزمان واحنة كون نميز الشيطان من وجـــــــه الملاك



ويارسول الله محمد هالزمــــــان راد اسمك يوكــــــــــع ابير الهلاك



واني اشوفك سمة ومليانة ابــــاء اتطيح كلهه وانت ماتوكع ســــماك



وفوك وجهك اقرة ايات الـــخلود وباذن كل الشوارع ضل صــــداك



انت ماتقرة نعم بس من قــــريت صرت اية نور والاعمة قــــــراك



جنت توكف حتى كـلهه تلوذ بيك وجوة ضلك كعدت الدنية بحـــماك



وامن الخايف لان ضلك اميـــــن ثاري مو ضلك طلع حيـدر وراك!



ولان ايام اليتم مرت عليـــــــــك وجان يعلم ربك وبيهه ابــــتـــلاك



من يمر العيد يم باب الــــيتيـــــم تصير عيدية صبح وتكلة هــــــاك



وانت جبرئيل لمن مر علــــــيك وبوسط غار العبادة من اعتــــناك



كالك(اقرا)سلامــــــــــ ــــك للاله يامحمد ربك اوحـــــــــة واصطفاك



والحقيقة بالعبادة انت اعتــــــليت وبالحقبقة انت الرحت مو هو اجاك



هو اجاك بيوم حاطوك الطـــــغاة بيوم راد السيف يشرب من دمـــاك



وكف يم الغار مد جنحانة لـــــيك سوة جنحانة درع بيهن فـــــــداك



جناح بيه سوة نسيج العنكــــبوت وحول الثاني حمامة وبيه حمــاك





واثق العيساوي

د رائد الزيدي كتب:بوركت قصيدة جميلة واختيار اجمل

الدكتور رائد الزيدي
نشكر مروركم سيدي الفاضل