موقع الدكتور رائد الزيدي

اهلا وسهلا بك زائرنا الكريم .. اسعدتنا زيارتك .. ان كنت دخلت للمطالعه فتفضل للمطالعه القسم الذي تريدة وخذ وقتك .. وان كنت تريد التسجيل فتفضل بالتسجيل اهلا وسهلا بك معنا ونتمنى لك اطيب الاوقات وأسعدها ..
موقع الدكتور رائد الزيدي
سبحان الله ***** والحمد لله ***** ولا اله الا الله ***** والله اكبر ***** ولله الحمد ---- اهلا وسهلا بكم زوارنا الاعزاء نتشرف بزيارتكم لمنتدانا

    عندما تكبّر ماذنة الهجران ...فما على القوافي الا ان تخشع(ياطير كتلك امس) للدكتور فلاح الزيدي

    شاطر

    بنت الرسالة

    عدد المساهمات : 16
    تاريخ التسجيل : 02/04/2010

    عندما تكبّر ماذنة الهجران ...فما على القوافي الا ان تخشع(ياطير كتلك امس) للدكتور فلاح الزيدي

    مُساهمة من طرف بنت الرسالة في الثلاثاء أبريل 27, 2010 2:28 pm

    ياطير ...ظل شجرتك بيّن عليه البعد


    وايامك الغذته ....من هاجرت خلته ...ليام موته يعد


    وياطير ...كلشي شهك ...


    وبالشجره ماظل ورك ...


    جي كل غصن ملتهي ...ابهاترد ..ها ماترد ..


    وياطير ...


    جف الشته ...لمن عفتني بقه ..


    حاير ابكضبة برد ..


    جي نار بعدك صفت ..تاكل ابروحي اكل ..


    وانه الهه مامستعد ...


    وياطير ...


    نحر الفرح ...


    ريح الهجر كشفته ...


    وسيف الملامه انشهر ...


    بيد الليالي البقت ...من كل كتر بيه تحد ..


    وياطير ...


    كتلك امس ...


    الليل لمن يجي ...يخفي ابعباته الشمس ..


    وايهدهه لمن يرد ...


    وجناتهه امورده ..


    وبشفافهه اشكد نده ...ينتضره خد الورد ..


    وياطير ...


    كتلك بعد ...


    الكاع من تنجرح ..


    مايكرب الهه الملح ..


    والسنبل المنترس ..يتمدد من الضحك..


    عالجوع من ينحصد ..


    ياطير ...


    عدي الك جلمات ماتنحجي ..


    واعيون ماتشتهي غير السهر والبجي ..


    وانه ابطرك صورتك ..


    ظليت اهدن واسد ..


    وياطير ..


    صوتك غفه ..بذني الكلاهه العتب ..


    من فاتحه الفاتحه ...


    اشجندوب عكبك تحد ..


    ياطير عندك عطر ...


    ايفززني وكت الفجر ..


    جوعان لمحبتك ...


    ملهوف اضم صورتك ...


    مخنوك اشم ريحتك ...الظليت بيها انحسد ..


    ياطير هم اسمعت ..


    بالمكبره حس فرح ..


    هيجي انه عكبك احس ..


    ميت بقاله امل ...يعطف عليه اللحد











    الدكتور فلاح الزيدي
    avatar
    ملاك النور
    المشرفون الاعوام
    المشرفون الاعوام

    عدد المساهمات : 114
    تاريخ التسجيل : 10/02/2010
    العمر : 28

    رد: عندما تكبّر ماذنة الهجران ...فما على القوافي الا ان تخشع(ياطير كتلك امس) للدكتور فلاح الزيدي

    مُساهمة من طرف ملاك النور في الأربعاء أبريل 28, 2010 2:41 pm

    شنو هالأختيارات الحلوة يابنت الرسالة
    كثير حلوة هالابيات الشعرية
    مشكورة على نقلها


    _________________
    avatar
    د رائد الزيدي
    صاحب المنتدى
    صاحب المنتدى

    عدد المساهمات : 269
    تاريخ التسجيل : 17/01/2010
    العمر : 42

    رد: عندما تكبّر ماذنة الهجران ...فما على القوافي الا ان تخشع(ياطير كتلك امس) للدكتور فلاح الزيدي

    مُساهمة من طرف د رائد الزيدي في الأربعاء أبريل 28, 2010 4:25 pm

    هيجي انه عكبك احس ..


    ميت بقاله امل ...يعطف عليه اللحد

    يا لها من صورة!!
    احسنت على هذه الاختيارات

    بنت الرسالة

    عدد المساهمات : 16
    تاريخ التسجيل : 02/04/2010

    رد: عندما تكبّر ماذنة الهجران ...فما على القوافي الا ان تخشع(ياطير كتلك امس) للدكتور فلاح الزيدي

    مُساهمة من طرف بنت الرسالة في الأربعاء أبريل 28, 2010 5:45 pm

    د رائد الزيدي كتب:هيجي انه عكبك احس ..


    ميت بقاله امل ...يعطف عليه اللحد

    يا لها من صورة!!
    احسنت على هذه الاختيارات

    أشكر مرورك العطر سيدي الفاضل ...

      الوقت/التاريخ الآن هو السبت ديسمبر 16, 2017 9:59 am