موقع الدكتور رائد الزيدي

اهلا وسهلا بك زائرنا الكريم .. اسعدتنا زيارتك .. ان كنت دخلت للمطالعه فتفضل للمطالعه القسم الذي تريدة وخذ وقتك .. وان كنت تريد التسجيل فتفضل بالتسجيل اهلا وسهلا بك معنا ونتمنى لك اطيب الاوقات وأسعدها ..
موقع الدكتور رائد الزيدي
سبحان الله ***** والحمد لله ***** ولا اله الا الله ***** والله اكبر ***** ولله الحمد ---- اهلا وسهلا بكم زوارنا الاعزاء نتشرف بزيارتكم لمنتدانا

    مـــــــــــــــــــــــــا مرتـــــــــــــاح..كاظم أسماعيل الكاطع

    شاطر
    avatar
    ملاك النور
    المشرفون الاعوام
    المشرفون الاعوام

    عدد المساهمات : 114
    تاريخ التسجيل : 10/02/2010
    العمر : 28

    مـــــــــــــــــــــــــا مرتـــــــــــــاح..كاظم أسماعيل الكاطع

    مُساهمة من طرف ملاك النور في الجمعة فبراير 12, 2010 5:54 am

    للشاعر الشعبي كاظم إسماعيل الكَاطع



    ما مرتاح .. ما مرتاح .. مامرتاح
    عيوني تستحي بس
    الدموع إوكاح
    ما مرتـــــــــاح
    منٌك.. منٌي .. من العدل.. من المات
    من الجاي من الراح
    مــــا مرتاح
    عركه ويه الزمن ورجعنه مكسورين
    وبعيده المسافه وينـّـسي اللـّي طاح
    ما مرتـــــــــــــاح
    لأن شفت الشمس نزلت تبوس الكًاع
    وبكف النذل تنلاح
    ولأن قاضي البلابل مدّد التوقيف
    ومفتوحه السِما
    والفيل عنده جناح
    ما مرتـــــــــــــــاح
    لأن قفل المحبه إنباك
    وِترهـّــم عليه مفتاح
    ما مرتــاح
    متروك بجزيره وتيــّـــهت بالليل
    وإجو ربعي عليّه بقافلة أشباح
    وإنته إشبيك
    لمّن دافعت عن نفسي صابك غيض
    مو حتى الكنافذ من تحس بالخوف
    تستخدم جلدها سلاح
    ولا جنّ الفجر مثل الفجر محبوب
    لون الفجر صاير يقبض الأرواح
    رجّعت الستارة بحركّة عالشباج
    ورثيت الورد-وبجيت
    من شفت الندى فوك المدافع طــاح
    دايخ بالحلم يمكن خبر موزين
    مات الزرع كلة ومابجة الفلاح
    وبالليل المناجل تنغسل بالماي
    ودم يابس عليهة
    وبالغسل ما راح
    فزّيت الصبح..
    شفت الحلم مذبوح
    وبعيني نسة سجينتة الذباح

    ما مرتـاح
    من وكفو على الصوبين
    تمساح إبنهرهم صاحو من الخوف
    وجازفت بحياتي من سمعت إصياح
    صارعت المنيّه وبيده هزني الموت
    ومدمــّــى إطلعت
    صفـّــكو للتمســــــــاح
    قل شوف السفينة
    والضباب يزيد
    وسيوف الملامة بجلوة الملاح
    ياسن الصخر..وتكسرت بالروج
    من جنت بزمانك ترهب السفان
    من جوة الثلج..
    وجفوف إيديك رماح
    ما مرتـــــــــــــــاح
    ما مرتاح من ربعي ولا مرتاح
    نادونـي.. وركضت إبليــل
    إيد الرسن بيها وإيد بيها سلاح
    عثرت مهرتي ... وهم قبل ما طيــح
    واحد كـــــال للثاني

    أبشـــــرك طـــــاح
    avatar
    د رائد الزيدي
    صاحب المنتدى
    صاحب المنتدى

    عدد المساهمات : 269
    تاريخ التسجيل : 17/01/2010
    العمر : 42

    رد: مـــــــــــــــــــــــــا مرتـــــــــــــاح..كاظم أسماعيل الكاطع

    مُساهمة من طرف د رائد الزيدي في الجمعة فبراير 12, 2010 6:11 am

    شكرا لهذا الاختيار الجميل وشاعرنا كاظم اسماعيل الكاطع من عمالقة الشعر الشعبي في العراق بوركت وننتظر المزيد من اختياراتك الرائعة
    avatar
    ملاك النور
    المشرفون الاعوام
    المشرفون الاعوام

    عدد المساهمات : 114
    تاريخ التسجيل : 10/02/2010
    العمر : 28

    رد: مـــــــــــــــــــــــــا مرتـــــــــــــاح..كاظم أسماعيل الكاطع

    مُساهمة من طرف ملاك النور في الجمعة فبراير 12, 2010 6:39 am

    مشكور عالمرور..

      الوقت/التاريخ الآن هو السبت ديسمبر 16, 2017 10:00 am